ਰਿਪੋਰਟਰ….. ਰੋਹਿਤ ਗੁਪਤਾ
ਪੰਜਾਬ ਸਰਕਾਰ ਨੇ ਭਾਵੇਂ ਐਲਾਨ ਕੀਤਾ ਹੈ ਕਿ ਸ਼ਾਮਲਾਟ ਦੀ ਜਗ੍ਹਾ ਜਾਂ ਹੋਰ ਕੋਈ ਵੀ ਸਰਕਾਰੀ ਪ੍ਰਾਪਰਟੀ ਤੇ ਨਜਾਇਜ਼ ਕਬਜ਼ਾ ਨਹੀ ਹੋਣ ਦਿੱਤਾ ਜਾਵੇਗਾ ਪਰ ਬਟਾਲੇ ਦੇ ਬਾਹਰਵਾਰ ਭੰਡਾਰੀ ਗੇਟ ਮੁਹੱਲੇ ਤੋਂ ਇਕ ਮਾਮਲਾ ਐਸਾ ਸਾਮਣੇ ਆਇਆ ਜਿਥੇ ਖਾਲੀ ਜਗ੍ਹਾ ਉਤੇ ਕਬਰਿਸਤਾਨ ਬਣਨ ਜਾ ਰਿਹਾ ਸੀ ਪਰ ਮੌਕੇ ਤੇ ਸ਼ਹਿਰ ਦੇ ਹਿੰਦੂ ਸਮਾਜ ਦੇ ਅਤੇ ਕੁਝ ਸਮਾਜਸੇਵੀ ਪੁਹੰਚੇ ਜਿਹ੍ਹਨਾਂ ਨੇ ਉਸਾਰੀ ਦਾ ਕੰਮ ਰੁਕਵਾ ਦਿੱਤਾ ਅਤੇ ਉਹਨਾਂ ਨੂੰ ਕਿਹਾ ਜੇਕਰ ਕੋਈ ਜਗ੍ਹਾ ਦੇ ਕਾਗਜ਼ ਵਿਖਾਕੇ ਉਹ ਉਸਾਰੀ ਕਰਵਾ ਸਕਦੇ ਹਨ ਮੈਂ |
ਈਸਾਈ ਧਰਮ ਦੇ ਨੁਮਾਇੰਦੇ ਪੀਟਰ ਚੀਦਾਂ ਨੇ ਕਿਹਾ ਇਹ ਸਾਡੇ ਬਜ਼ੁਰਗਾਂ ਦੀ ਜਗ੍ਹਾ ਹੈ 50 ਸਾਲ ਤੋਂ ਇਸ ਜਗ੍ਹਾ ਤੇ ਈਸਾਈਆਂ ਦਾ ਕਬਜ਼ਾ ਹੈ। ਪੰਜਾਬ ਸਰਕਾਰ ਗਰੀਬਾਂ ਨਾਲ ਧੱਕਾ ਕਰ ਰਹੀ ਹੈ ਅਤੇ ਉਹ ਹੁਣ ਘਰਾਂ ਉਤੇ ਵੀ ਕਬਜੇ ਕਰਨ ਲੱਗ ਪਈ ਹੈ | ਉਹਨਾਂ ਕਿਹਾ ਅੱਜ ਜਦੋਂ ਅਸੀਂ ਆਪਣੇ ਕਬਰਿਸਤਾਨ ਦਾ ਨੀਂਹ ਪੱਥਰ ਰੱਖਣ ਲੱਗੇ ਸੀ ਤਾਂ ਕੁਝ ਸ਼ਰਾਰਤੀ ਅਨਸਰਾਂ ਨੇ ਆਕੇ ਉਸਾਰੀ ਰੁਕਵਾ ਦਿੱਤੀ ਅਤੇ ਆਪਣੇ ਟ੍ਰਸ੍ਟ ਦੀ ਜਗ੍ਹਾ ਦੱਸਣ ਲਗੇ | ਉਹਨਾਂ ਕਿਹਾ ਜੇਕਰ ਪ੍ਰਸਾਸ਼ਨ ਸਾਡਾ ਸਾਥ ਨਹੀਂ ਦਿੰਦਾ ਤਾਂ ਆਉਣ ਵਾਲੀ 2 ਜਨਵਰੀ ਨੂੰ ਪੰਜਾਬ ਭਰ ਦੇ ਈਸਾਈ ਧਰਮ ਦੇ ਲੋਕਾਂ ਵਲੋਂ ਬਟਾਲੇ ਵਿੱਚ ਰੋਸ਼ ਪ੍ਰਦਰਸ਼ਨ ਕੀਤਾ ਜਾਵੇਗਾ ਜਿਸਦਾ ਜੁਮੇਂਵਾਰ ਪ੍ਰਸਾਸ਼ਨ ਹੋਵੇਗਾ |
ਪੀਟਰ ਚੀਦਾ (ਈਸਾਈ ਧਰਮ ਦਾ ਆਗੂ)
ਦੂਜੇ ਪਾਸੇ ਹਿੰਦੂ ਧਰਮ ਦੇ ਨੁਮਾਇੰਦੇ ਵਿਨੈ ਮਹਾਜਨ ਨੇ ਕਿਹਾ ਕਿ ਇਹ ਜਗ੍ਹਾ ਨਾ ਤਾਂ ਇਹਨਾਂ ਦੀ ਹੈ ਅਤੇ ਨਾ ਹੀ ਕਿਸੇ ਹੋਰ ਦੀ ਹੈ ਸ਼ਾਮਲਾਟ ਜਗਾ ਹੈ। ਲੋਕਾਂ ਦੀ ਸਹੂਲਤ ਵਾਸਤੇ ਰਸਤਾ ਕੱਢਿਆ ਗਿਆ ਸੀ ਅੱਜ ਜਦ ਸਾਫ ਸਫਾਈ ਹੋ ਗਈ ਤਾਂ ਉਹਨਾਂ ਦੇ ਮੰਨ ਵਿਚ ਲਾਲਚ ਆ ਗਿਆ ਅਤੇ ਕਬਰਿਸਤਾਨ ਦੀ ਜਗ੍ਹਾ ਦੱਸਣ ਲੱਗ ਪਏ। ਜੇਕਰ ਇਹਨਾਂ ਕੋਲ ਕੋਈ ਜਗਾ ਦਾ ਕਾਗਜ਼ ਹੈ ਤਾਂ ਲੈ ਆਉਣ ਪਰ ਅਸੀਂ ਬਿਨਾਂ ਕਾਗਜਾਂ ਤੋਂ ਨਿਜਾਇਜ ਕਬਜਾ ਨਹੀਂ ਹੋਣ ਦੇਣਾ। ਹੁਣ ਵੀ ਇਸ ਜਗਾ ਨੂੰ ਲੋਕਾਂ ਦੀ ਸਹੂਲਤ ਲਈ ਪਾਰਕਿੰਗ ਦੀ ਵਰਤੋਂ ਲਈ ਵਰਤਨਾ ਹੈ | ਉਹਨਾਂ ਕਿਹਾ ਜੇਕਰ ਕਾਂਗਰਸ ਦੇ ਸਾਬਕਾ ਮੰਤਰੀ ਨੇ ਇਹਨਾਂ ਨੂੰ ਉਸ ਵੈਲੇ ਇਨ੍ਹਾਂ ਦੇ ਬਜ਼ੁਰਗਾਂ ਨੂੰ ਇਸ ਜਗ੍ਹਾ ਤੇ ਕਬਜ਼ਾ ਕਰਵਾਇਆ ਸੀ ਤਾਂ ਇਸ ਦਾ ਕੋਈ ਸਬੂਤ ਵੀ ਦਿੱਤਾ ਹੋਣਾ |
ਵਿਨੈ ਮਹਾਜਨ (ਹਿੰਦੂ ਧਰਮ ਦਾ ਆਗੂ)
ਦੂਜੇ ਪਾਸੇ ਜਾਣਕਾਰੀ ਦਿੰਦੇ ਵਾਲਮੀਕ ਸਮੁਦਾਇ ਦੇ ਲੋਕਾਂ ਨੇ ਕਿਹਾ ਇਹ ਬੁਹਤ ਪੁਰਾਣੇ ਸਮੇਂ ਸਾਨੂੰ ਮਿਲੀ ਹੋਈ ਸੀ। ਇੱਥੇ ਤਾਲਾਬ ਹੁੰਦਾ ਸੀ ਜੋ ਕਿ ਛੋਟੀ ਜਾਤੀ ਵਾਲੇ ਇਥੇ ਆਕੇ ਕਪੜੇ ਧੋਂਦੇ ਸੀ ਅਤੇ ਅਸੀਂ ਕਈ ਸਾਲ ਇਸ ਜਗ੍ਹਾ ਨੂੰ ਨਗਰ ਨਿਗਮ ਨੂੰ ਠੇਕੇ ਉੱਤੇ ਵੀ ਕੂੜਾ ਸੁੱਟਣ ਲਈ ਵੀ ਦਿੱਤੀ ਸੀ |
ਜਿੰਮੀ ਮਲਹੋਤਰਾ (ਵਾਲਮੀਕ ਸਮੁਦਾਇ ਦੇ ਲੋਕ)
